Question

Dolu nədir?

Answer 1

Bu, topa yağışlı buludlardan yağan buz kristallarıdır. O, yalnız küləkli, şimşəkli havada əmələ gəlir və leysan yağışları ilə müşayiət olunur. Bəzən dolunun ölçüsü 20 sm-ə, çəkisi isə 1,5 kq-a çatır. Belə “buz” mərmiləri təyyarələrə ciddi zərər vurur, evlərin şüşələrini qırır, kənd təsərrüfatı bitkiləri üçün isə daha təhlükəlidir. Baxmayaraq ki, dolu qurşağı ərazisi çox geniş deyil (bəzən bir neçə yüz metr), lakin onun vurduğu zərər təbii fəlakətlər arasında həddən artıq böyükdür. O, bəzən bütün məhsulu belə məhv edir. ABŞ-da hər il dolu kənd təsərrüfatına 200 mln dollardan artıq zərər yetirir.

Bəzi ştatlarda (məsələn, İllinoysda) dolu vurduğu ziyana görə təbii fəlakət hadisələri arasında birinci yeri tutur. Avropada, Niderlandın bir rayonunda 1954-cü ilin iyununda güclü küləklə dolu 15 dəqiqə ərzində 500 min dollar zərər vurmuşdur.

Answer 2

İlin isti dövründə topa buludlardan xırda buz parçaları şəklində Yer səthinə düşən atmosfer yağıntısı.
Əksər hallarda Dolunun diametri 6-20 mm olur, bəzənsə – 120-130 mm-ə, çəkisi 1 kq-a çatır. Adətən, Dolu mülayim qurşaqda düşür, lakin nadir hallarda tropik qurşaqlarda müşahidə edilən Dolunun intensivliyi daha yüksəkdir. O, təsərrüfata, xüsusilə kənd təsərrüfatına böyük ziyan vurur. Buna görə də Doluya qarşı mübarizə aparmaq üçün xüsusi operativ xidmətlər təşkil edilir.