Sosializm nədir?

Question

Sosializm nə deməkdir?

Answer 1

İdeologiyasının kökləri çox qədim zamanlardan müşahidə edilib. Az-çox sistemli şəkildə sosializm ideyaları böyük utopistlər T.Mor və Kampanellanın, sonralar isə Sen-Simon, Furye və Ouenin əsərlərində şərh edilib. J.J.Russonun və F.Babyöfün də xidmətləri az olmayıb.Əsas ideya bərabər,ədalətli,xoşbəxt,istismarsız cəmiyyət qurmaqdır.

Answer 2

Marksizm təliminə görə, kapitalizmi əvəzləyən kommunizm ictimai-iqtisadi formasiyasının birinci mərhələsi.

Sosializm proletariat diktaturası şəraitində istehsal vasitələri üzərində ictimai mülkiyyətə və “hər kəsdən qabiliyyətinə görə, hər kəsə əməyinə görə” prinsipinə əsaslanır. XX əsrdə SSRİ başda olmaqla bir qrup ölkələrin sosializm cəmiyyəti qurmaq cəhdləri iflasa uğrayıb.

Answer 3

1. Sosialist inqilabı, burjua hakimiyyətinin devrilməsi və proletar diktaturası yaradılması, istismarçı siniflərin ləğv edilməsi nəticəsində qurulan dövlət və ictimai quruluş – kommunizmin birinci fazası.
2. Sosializm cəmiyyəti qurulması haqqında nəzəriyyə.
Elmi sosializm.
3. Bərabərçilik və ya antaqonist ziddiyyətləri yumşaltma əsasında kapitalist cəmiyyətini islah etmək haqqında müxtəlif xırda burjua və burjua nəzəriyyələrinin adı.
Xalqçı sosializmi. Xristian sosializmi.