1. Orta əsrlərdə müsəlmanların kafirlərə qarşı apardıqları müqəddəs müharibələrin (qəzavatın) iştirakçıları.
Bəzi ölkələrdə sərhədləri qorumaq və xalq üsyanlarını yatırmaq üçün, əsasən, yoxsullardan və marginal qrupların nümayəndələrindən ibarət xüsusi qazi dəstələri təşkil edilib.
2. Bir sıra müsəlman ölkələrində xüsusilə fərqlənən hərbi sərkərdələrə verilən fəxri titul.
Misal: Sakarya döyüşündə (avqust-sentyabr 1921) qələbəyə görə Türkiyə Böyük Millət Məclisi Mustafa Kamal Atatürkə qazi titulu verib. 1934-cü ildə Türkiyədə bu titul ləğv edilib.
