Əvvəldən axıra kimi hər şeyi tam əhatə etməyi bildirən ifadə.
İfadə xristianların müqəddəs «İncil» kitabından qaynaqlanmışdır.
«Mən – alfa və omeqa, başlanğıc və son, birinci və axırıncıyam» – «İncil»də Tanrı özü haqqında bu sözləri deyir. «Alfa» («a» səsini verir) yunan əlifbasının birinci, «omeqa» («o» səsini verir) isə sonuncu hərfidir.
Belə ifadələr bütün dillərdə mövcuddur; məsələn, Azərbaycan dilində «A»-dan «Z»-yə, ruscada «A»-dan «Я»-ya kimi ifadələri mövcuddur. Bütün dillərdə əlifbanın birinci və sonuncu hərfləri ilə ifadə olunan bu birləşmə «alfadan omeqaya kimi» ifadəsində olduğu kimi «başdan-ayağa», «tamamilə», «əvvəldən axıra kimi» mənasını verir.
