Question

Mandat nədir?

Answer 1

Mandat (lat. “mandatum” - həvalə edilmə) - Birinci Dünya müharibəsində məğlub edilən ölkələrin - Almaniya və Osmanlı imperiyasının keçmiş müstəmləkə və torpaqlarının özünəməxsus idarəedilmə formasıdır. 1919-1939-cu illərdə Birinci Dünya müharibəsi qalibləri sırasından olan dövlətlər Böyük Britaniya, Fransa, Yaponiya və Avstraliya mandata malik idilər. Mandat sistemi Millətlər Liqası adından tətbiq edilmişdi. Nəticədə Böyük Britaniya Fələstin, İraq, Toqo və Kamerunun bir hissəsi üzərində mandat aldı; Fransaya - Suriya və Livan, Toqo və Kamerunun bir hissəsi; Yaponiyaya Marşal, Karolin və Maryan adaları; Avstraliyaya Nauru adası və keçmiş alman Yeni Qvineya adası; Cənubi Afrika İttifaqına cənub-qərbi Afrika çatdı. Lakin, yarımmüstəmləkə asılılığı yerli əhalinin maraqlarına zidd olduğu üçün inadlı mübarizədə ondan xilas oldu.

Answer 2

1. Səlahiyyət, tapşırıq, xüsusi göstəriş.
 BMT-nin mandatı.

2. Bir şəxsin hər hansı hüquq, status və səlahiyyətlərini təsdiqləyən sənəd.
Deputat mandatı.

3. Hansısa səlahiyyətli toplantıda, danışıqlarda və ya strukturda iştirak etmək, yaxud təmsil olunmaq hüququ.
Mandat almaq.

Answer 3

1. Səlahiyyət, tapşırıq.

2. Hər hansı fiziki, yaxud hüquqi şəxsin səlahiyyətini təsdiq edən sənəd; məs.: deputat Mandatı.

Mandat termini Roma hüququnda tapşırıq müqaviləsini ehtiva edən söz kimi yaradılıb. Millətlər Cəmiyyətinin (1920–1946) mövcudluğunun ilk illərində keçmiş Osmanlı imperiyası ərazisinin bir hissəsini, eləcə də Almaniya müstəmləkələrini idarə etmək üçün bu qurumun adından ayrı-ayrı dövlətlərə verilmiş səlahiyyət də Mandat adlanıb.